FAQs

पुराणात सांगितल्याप्रमाणे श्रीगणेशाची निर्मिती पार्वती मातेच्या मळापासून झाली आहे; म्हणजेच मातीपासून झालेली असल्याने मातीमध्ये निर्माण केलेल्या मूर्तीमध्ये गणेशतत्व अधिक आकृष्ठ होते. अशा मूर्तीच्या पूजनाने अधिक लाभ होतो.

त्यामुळे माती सोडून गोळ्या, बिस्किटे, बाटल्या मसाल्याची पाकिटे अशा कोणत्याही घटकांनी गणेश मूर्ती घडवू नये. ही विनंती.

• सात्विक गणेश मूर्ती ही सनातन संस्थेचे संस्थापक परात्पर गुरु डॉ. जयंत आठवले आणि सनातन संस्थेच्या कला विभागातील मूर्तीकार श्री. गुरुदास खांडेपारकर यांच्या मार्गदर्शनानुसार बनवली आहे.
• मुद्गल पुराण आणि श्रीगणेश अथर्वशीर्ष यातील गणपतिच्या वर्णनानुसार ही मूर्ती बनविण्याचा प्रयत्न केला आहे.
• शरीर शास्त्रानुसार या मूर्तीच्या अवयवांकडे पाहिल्यास ते अवयव अधिक सजीव वाटतात. उदा. हात, पाय इत्यादी.
• मुद्गल पुराण आणि श्रीगणेश अथर्वशीर्ष यातील गणपतिच्या वर्णनानुसार ही मूर्ती तयार केल्यामुळे ती अधिक सात्विक वाटते. अशी मूर्ती पूजल्यामुळे पूजकाला त्याचा लाभ अधिक होतो.

• शाडू मातीची मूर्ती ही प्लास्टरच्या मूर्तीपेक्षा वजनाने जड असते.
• शाडू मातीच्या मूर्तीच्या पाटाला धार नसते तर प्लास्टरच्या मूर्तीच्या पाटाला धार असते.
• शाडू मूर्ती हाताने वाजवून पाहिली तर त्याचा आवाज दबका असतो तर प्लास्टरच्या मूर्तीचा आवाज मोकळा आणि अधिक (खुला) असतो.

• शाडू माती ही निर्सगाकडून आलेली असल्याने त्याने पर्यावरणाला हानी पोहचत नाही.
• शाडू मातीच्या मूर्तीमध्ये घातक रंग वापरले जात नाहीत.

• मूर्तीकाराच्या दृष्टिने अभ्यासल्यास एका कारागिराकडून दिवसाला प्लास्टरच्या ४० ते ६० मूर्ती होऊ शकतात.
• प्लास्टरच्या मूर्तीच्या तुलनेत शाडू मातीची मूर्ती वाळण्यासाठी चौपट वेळ लागतो.